Monday, July 31, 2006

見工

唔係我見,我响足版見到有版友講開有關見工既事,有幾樣野可能可以提下d去見工既朋友.

佢地主要講左幾樣見工唔願做既事,例如:
1.佢個 cv有晒佢既資料,唔想再填過份表...
第一,唔係個個都會帶自己CV去見工(睇下你見咩位啦),咁統一要大家都填,係方便處理啫,
再者,叫你填份表都啊芝啊左,點指望你會勤力做野啊大佬.

2.問一d同你見個份工唔相關既野,或者要你做一d test之類.
嗱,你黎得見工,我就當你識你個post所需要既技術架啦(講明請個trainee就另計啦)
咁你都識,唔通請個progamer要你寫段code睇下咩.你估响大陸見工,d人會請槍攞人地d
野黎IN咩.(香港未衰到咁掛).所以問下你其他野,係睇下你個人難唔難相處,會唔會同其
他同事唔夾咁,喂,teamwork你個人離群就死火啦.

另外,要你做個d test,係想試下你遇到問題時點處理.多過係想試你既技術.

3.要填d點解想做呢份工既由
咪就係想睇下你點答,你對你申請個post有幾了解囉,你黎in之前就唔該你做下工課,
睇下個post要做d咩,唔識就問下人,有d人上到黎,問佢想做咩,佢就話咩都有興趣.
叫你掃地你有無興趣先...

都係個句啦,做少少野你都咁多唔願,見咩工啊,番去訓多陣啦.

Sunday, July 30, 2006

綜援

今日報紙有單新聞,講個七十幾歲既啊婆,執紙皮比架車撞親,好在皮外傷無咩事。
佢話攞綜援比人睇唔起,所以唔攞。

特衰政府成立左咁耐一事無成,但就成功令一般人覺得攞綜援唔好,養懶人。
連好似呢個啊婆咁應該受助既人,自己都覺得"唔好意思"...
於是特衰政府就可以大條道理cut綜援了。

我唔係一個左派(唔係民建聯個種土共),但係我覺得個政苦,係响度恰鳩D窮人。
一到要使錢而無得攞威呢,就諸多借口,多多事實。

但係佢又會成日好自豪咁話你知,我地好多儲備,仲請左個任志剛咁既仆街黎睇住佢。
係"睇住"啫,咩都無做過的。然後佢可以厚顏到收份仲高過美國總統既人工。

然後又打算搞咩副局長職位,可能覺得一個傻仔唔夠,要請多幾個,痴痴呆呆坐埋一枱。
咁就會使多五六千個,加多幾千個呢就剛好夠綜援一年條數架勒。

仲要起多個新總部等大家坐得舒舒服服。入面仲收埋幾個林瑞麟咁既太監响度。
可能打算做旅遊重點,搶北京故宮生意。等啊周梁又可以有借口幫旅發局cap水。
咁起個總部,有得威又有得豪,梗係使大佢。無啦啦中環又多幾千人出出入入,
到時塞車塞到仆街,又可以填多幾廿呎個維港。再唔係填埋佢過老尖,又多塊地賣,
天星碼頭呢D督眼督鼻梗係要收皮。搞西九都話左要創地標,個鐘樓咁無氣勢,
梗係好似天樂里口咁擺條金龍先似樣!一係叫山頂個鬼婆幫曾特九搞個銅像。
好似金日成咁,大家行過都要扣三個响頭。

如果交稅個時可以比你選擇,養呢班契弟定養攞綜援既人,你會選邊個呢?

Sunday, July 23, 2006

收皮啦你!唐英年



好野!串撚到條二世祖一棟都無.

Saturday, July 22, 2006

值得表揚的吳先生

足版有版友轉貼左壹仔一個訪問,受訪者係一位本地建築師, 名字叫吳恩融
內容都係關於佢成長時期既奮鬥,幾經努力終於有機會去英國留學等事.
其中提到佢去年攞左個 "皇家建築師學會○六年年獎" 表揚佢為甘肅一
處叫"毛寺村"既地方,同幾間國內大學既同學,單靠人力興建左一條橋,
方便村入面既細路仔去隔離村上學既事等等.仲有一d佢對本地建築既批評.
仲有,佢教兩個仔既方法,令我諗起個d千方百計要塞個仔入名校既父母...

睇完,個心舒服晒.中國,都仲有好人既.
以前黑俠漫畫入面,啊彭社長寫左句slogan,話而家係一個沒有英雄的年代.
其實,都唔係無既,不過英雄改左名,唔叫自己做英雄啫.

Friday, July 21, 2006

DVD

講開版權,又諗到另一樣野,就係水貨影碟.
有買開既都知,大部份港製既3區DVD,都係做得好求奇既.
無論包裝,壓碟,到封面設計,都強差人意.有d係衰到買唔落手既,
當然,好多時無得選擇既時候都會焗買,最近就買左幾隻碟:
Mr Children "I love u" tour
候孝賢 - 咖啡時光
Pink Floyd - Pulse
仲有一隻落唔到手既
黃耀明 - 電幻狂想曲

雖然碟既類別唔一樣,但都可以從佢既包裝上分下高下.

1. Mr Children 2005 "I love U" Tour
日版,無論包裝,menu既設計,到剪接都係一流水平.雖然接近
四舊水,但係覺得比得好扺既.黃興貴話頭,一個字 - 精彩!

2.候孝賢 - 咖啡時光
一部好想睇既戲,但香港一直無戲院肯上(以前都仲有影藝,而家...)
終於等到佢出碟,可惜同一般三區港版一樣,得個盒同隻碟,咩都無勒.
係咪可以加番d資料,製作單位,最簡單拍呢部戲既背景(紀念小津安二郎百年冥誔)都無
其他野都簡簡單單,如果你係相儲DVD既,唔使講你都唔會買呢個version既

3. pink Floyd - pulse
最鬼馬我手上呢隻無區碼既(唔知邊條粉樣諗出黎既屎橋,又防唔到老番又搞到麻麻煩煩)
碟,未睇,但見到pink floyd就自自然然科水,包裝都係簡單,一個紙套咁,但起碼唔會令人
覺得係港版個d豆泥野.

4.黃耀明 - 電幻狂想曲
CD版己經買左架勒,係好好好好聽既,我亦係好好好好鐘意(係迷!)黃耀明既!!!正
但呢隻DVD,我攞起又放番,重複幾次都係無買,因為 - 卡啦ok字幕,有無買左既人可以
話我知,有無一個function係熄Q左d卡啦Ok字架呢?上次達明演唱會己經出左一次事勒.
睇左一次就好無奈咁收返起,屌!人地個台咁撚靚你key d死人卡啦ok落去把七咩...
容十年個d就無得講,黃耀明d歌邊有人响k唱架,咪撚七啦,屌...

so...個d話唔比人平衡進口個d發行出版商,屌你老咪檢討下自己先啦仆街.你地有撚為
消費者著想過咩?

p.s. 睇番咖啡時光既預告片,候導係 "世界注目的台灣巨匠",但係响隻dvd我睇唔到佢受應
有既專重囉!

收費電視

世界杯引起左一d版權既論戰.更有報導話政府想將"非法"download列為刑事罪行.而我打呢編野同時,我都係經 p2p睇緊華倫西亞對費倫巴治既友賽...所以講下足球直/轉播既問題.

首先我係贊成收費播足球既,無論任何組別(世杯,甲乙組別),因為以目前無線頻道黎計,根本唔會有足夠(以球迷角度黎計啊下)既賽事播放,由其一d會响黃金時間既比賽,因為要讓路比其他 "合家歡" (係咪真係全家都歡呢下...)時間既節目.好似無線為例,播到好似歡樂滿東華咁一年一度呢,我情願你唔好搞,播番你d師奶劇算吧勒,有朋友提出過,如果無記同亞視能夠攞番個世界杯既播放權就大家有免費波睇勒,我覺得係你諗下好勒,而家無記都有收費電視既服務,佢會唔會咁貴攞個rights番黎free比你睇呢(假定有線係一定會搶既前提下)我係打死都唔信佢地會咁好死既...

另一樣係Download波,有去開呢類newsgroup都知,有d好"仆街"既人會post賽果等你無引既,我唔知呢d友仔係咪電視台既打手,但係呢類"錄播"既情況係咪可以容忍下呢.又或者有線係咪可以提供呢類下載呢,我呢個講法係基於有線既覆蓋率仲未係百份之百,有d屋村仲係要比四五千蚊裝隻碟先可以收到既情形之下,佢都係想睇場波啫.如果有足夠既方法比佢地去選擇,我估好多人都肯制既.情形就好似iturns加ipod咁,你有得比我download唔使買唔使rip要比錢我都制的.當然個價要合理啦,無理由容十梁七九個d你都夠薑賣九十蚊架.

仲有一個睇波既途徑,就係p2p,好多好似我咁要開夜既人就好啱用既,就算我有屋企有cable,我都會開住個廣東台聽啊何輝既評述(講得好過菜文堅多多聲啦屌!)仲有一樣好重要既,就算有線一個星期播咁多賽事,都好多時側重左英超(阿車利曼)幾隊名牌,意甲就唔係祖記就AC,好多好睇既德甲(德甲好睇架)或者一d中遊球隊既比賽,就算有空閒都唔會轉播既,p2p就正好補足到呢個空間(中央台播好多德甲架).好似而我睇緊既華西對費倫巴治,邊有本地台會播啊.如果政府連呢樣都block埋,就真係好可惜.

仲有一樣好煩既係,而家開始多收費電視,黎緊只會更多,係咪可以統一用一個解碼器呢,第時搞到一個台播一個聯賽,九廿幾個解碼,幾廿百個Remote,幾百樣點擺得晒啊大佬.

Monday, July 17, 2006

神期掃帚VS食壞人奶粉

睇jet tv有個節目,介紹日本有個阿伯,佢手做既掃帚可以掃到吸塵器都吸唔到既細微顆粒.佢一條友六日可以做一把,一年就只係做二三十把.不過,一把賣二十萬yen.可能係地球上最強既掃帚...

轉台去睇新聞,黑龍江就捉到條友做成人假奶粉,問佢點解做,佢"夠薑"到話因為做小孩既影響比較大,言下之意就係做中老年人既就無害咁人...

究竟係好似陶傑所講既DNA唔同啊,定有咩隠藏因素.兩個相互影響左幾千年既民族,到最後可以落差咁大.
所追求既野可以如雲泥之別?我覺得,就算係共產黨既問題都好,都無理由連呢d最基本人既原則都相去咁遠架.我地都有偉人同科學家架?

突然間令我覺得,原來,一個民族既"素質",唔係關佢有幾多大人物,而係响最下層既人所左右...咁落去出多一千個劉翔都係晒氣.真係令人沮喪.

Sunday, July 16, 2006

漫畫展

唔係講散貨場咁個個漫畫展,而係响art center搞緊個港漫"回顧"展
展覽响四樓"包氏畫廊"度搞,分左上下兩層,上面係D舊書既封面同精品,
下面個層就係原稿,有陳某啊,馬仔,黃玉郎,上官小強同上官小寶等等...
另外有個角落係有d畫左一格既影印稿,其他空位就比大家漫畫接龍.

實在如果唔係約左朋友去AC等呢就唔知有呢個展既,除左d原畫之外,
其他野都做得幾"簡陋",好似d舊書封面咁,求其彩色影印就咁泥上個
board度就算.精品就係d"刀劍仔"咁,可觀性唔高.而且都集中响玉皇朝
同天下,文傳既野比較多.(可能同個主辦單位有關既.)

唔使十五分鐘就睇完,發現一樣野係,除左陳某之外,完全無新(人)既作品.
難怪好多行內既朋友都話漫畫無得撈了...最少呢類港式漫畫係會式微.
可能都係好事,漫畫界都係時候諗下應該點做漫畫了.

Monday, July 10, 2006

打完!!!!

終於打完!意大利好野!我係唔鐘意法國架勒!!!

仲有幾樣野:
1.施丹頭頂馬達拉施 - 丹丹間唔中就會出呢d野,幾廿歲人都唔收火,仲要响呢個場合,除左蠢都無野好講.
2.馬達拉施 - 令到一向躁底既佢竟然唔發作,立比真係有d計.
3.保方,大簡,派路呢批球員,係值得攞世界杯既.
4.仲有人會話,c朗拿度同球証投訴,搞到朗尼紅牌.係c朗唔啱...各位其主有咩問題,個一下朗尼真係無心既,
咪行開囉,頂多比個黃你,你唔走仲推人,咪自己硬膠囉,有咩好講.
5.細哨係打得唔好,但唔好忘記,佢由前一年攞番個聯賽冠軍.接住攞個聯合會杯(唔記得係咪呢個名),再跟住又聯賽歐聯無停過,狀態回落都好正常既.

八月中歐洲聯賽再開,仲有呢個零月點過好呢

Thursday, July 06, 2006

火鳯"聊"原

又係轉自足版:

子:父親,為什麼球壇有兩個朗拿度?

父:因為巴西有了一個朗拿度之後,葡萄牙又出現了第二個朗拿度,為了分別他們,
就在朗拿度前面加個c字。

子:為什麼沒有a朗拿度和b朗拿度?

父:………因為,c是Cristiano的簡寫,他的全名是Cristiano Ronaldo。

子:原來如此!難怪三國時代會有兩個馬超………

父:三國只得一個馬超啊!何來兩個?

子:我聽同學說的,他說三國時代有馬超和c馬超……

父:………

正!

Wednesday, July 05, 2006

無線

真係屌萬撚,播波播得個幾場就响度嘈生晒,又免費又盛誤道觀眾,都不特止.
啊叔都話退休,好撚心你個鳩up鐘志光就收下把死人口,等啊叔講拿埋佢啦,又
鳩up又搶野講,都仲唔撚夠,仲要玩撚埋d濕鳩遊戲,都仲唔止,仲要揾埋個個
咩車車响度九唔撚搭八,真係屌拿星.

我話過呢個咁既濕鳩電視台,我唔撚會再睇架勒,你快d收皮唔該

Sunday, July 02, 2006

Yeah!!!!

英格蘭收皮!!!!!
大力神你食蕉啦!!!!!