漫畫展

唔係講散貨場咁個個漫畫展,而係响art center搞緊個港漫"回顧"展
展覽响四樓"包氏畫廊"度搞,分左上下兩層,上面係D舊書既封面同精品,
下面個層就係原稿,有陳某啊,馬仔,黃玉郎,上官小強同上官小寶等等...
另外有個角落係有d畫左一格既影印稿,其他空位就比大家漫畫接龍.

實在如果唔係約左朋友去AC等呢就唔知有呢個展既,除左d原畫之外,
其他野都做得幾"簡陋",好似d舊書封面咁,求其彩色影印就咁泥上個
board度就算.精品就係d"刀劍仔"咁,可觀性唔高.而且都集中响玉皇朝
同天下,文傳既野比較多.(可能同個主辦單位有關既.)

唔使十五分鐘就睇完,發現一樣野係,除左陳某之外,完全無新(人)既作品.
難怪好多行內既朋友都話漫畫無得撈了...最少呢類港式漫畫係會式微.
可能都係好事,漫畫界都係時候諗下應該點做漫畫了.