响北京最常去既食店,唔係填鴨又唔係狗不理,係港式茶餐廳。
因為响呢Ｄ地方有香港報紙雜誌提供。最多既當然係白粉報,
仲有Ｄ有明報添。咁通常都係之前一日或者夜晚睇番個日既早報咁。
一打開就見到雞拿咁大隻字話中大學生報有"性版",又人獸又盛咁內容不雅咁
咁咁(不雅呢Ｄ出自白粉報真係特別有說服力)...仲有屎塔肥信箱...呢個名真係一鳩流。
咁Ｄ有識之仕就投訴...(投訴去白粉報喎，唔係要投去咩廣管局或者中大校方架咩?)
咁日月報又登左啊中大校友、現任訊息工程學系教授兼家庭與學校合作事宜委員會主席(長撚到呢...)黃寶財回應:
對學生報感痛心和可惜，怒斥學生無知，教育水平太低(讀到大學架啦喎...個個愛恩斯坦咁先有資格出??)
唔係學生會比錢出架咩?咁Ｄ編輯點選黎架呢?大家都唔鐘意係咪可以換左佢架,定要等再選先可以換架?
定查實大家都好鐘意睇,又唔好意思講啊?(好似呢度Ｄ白粉咁份男極圈梗係比人攞左既)...
係囉,有咩咁大件事呢又,接受讀者投訴個份報紙自己都有風月版啦,投訴?投訴Ｄ相著得衫多,
定Ｄ故仔無料到啊...不如中大摺左份學生報,改訂兒童樂園同樂蜂報啦。講下都唔比既,拉人封艇
收佢皮啦,咪懶民主咁比你出完又嚴正處理又盛咁,做人咪咁撚假啦好心。
5 comments:
你d新聞仲快過我, 我都係半個鐘前先睇到, 算了, 唔好勞氣, 我發覺HK地好多人d思維好x奇怪, 唔係話邊個啱定錯, 而且思想方面係活係兩個星球, 所以唔好勞氣了.
我覺得北京呢度仲開放過香港啊真係,香港越黎越塔利班啦。
係喎,咁你打算點,做多幾個月再諗??anyway開心先最重要
哦! 係咁嘅, 而家係最辛苦的時候, 一個禮拜返四晚學, 但係而家唔走, 到七月放暑假我就冇唔辛苦, 所以挨埋呢兩個月會好d.
本來唔做嘢係想休息同埋考某個試(準備年半至兩年), 根據消息人士指出, 我而家的狀態, 根本用年半至兩年冇可能考到,我而家的煩惱就係: 我需要休息&練習去得到水準, 但年半至兩年都未必搞得掂, 我的$又唔夠, 好x唔願意, 又要返工.
做住先,或者轉個第二份或者轉過第二間公司又得唔得呢...
會唔會係對得同一班人太耐啊??
不過起碼你有個目標,咬實牙關頂埋佢啦！！！
比較大刺激係覺得夢想開始幻滅, 原本要準備考試, 而家係唔知可唔可以考, 或唔知幾時考(水準唔掂, 先前唔知, 家陣先知), 唔返工係為準備考試, 冇得考試又唔返工就好折墮, 轉唔轉工都冇分別, 我心裡只有理想.
而家已變成問題中女, 好彩成日有blog友安慰.
Post a Comment