B2C

啊薛兄B2P既同時,我星期二晚就黎左呢個長春，B2C勒。

由北京坐呢個和諧號列車(中國既子彈火車)，坐六粒鐘左右就到勒，因為係北方地區，
仲北過北京，四月尾都仲係凍到嘔既,好在响北京買左件假既Columbia唔係都唔知點頂。

黎呢度呢係為左參觀下長春動畫大學，同埋向佢地數字媒體系既同學(講學)...對住百幾二百人
腳都軟埋,好在有兄弟幫拖唔係都幾難收科。

同行既羅賓講番我聽,原來動畫大學有七千幾個學生....隔離吉林大學仲把炮,係全國最多人既大學！！
酒店隔離仲有一間理工,唔怪得呢度叫做大學城。間間都大到無論，吉大由南到北有巴士坐既，真係堅...

北方人都鐘意飲酒，呢度梗唔例外，勢估唔到幾個女老師仲好酒量過Ｄ北方大漢！我呢Ｄ養開金魚既
就梗加無得比啦。

另一個特點係呢度好多韓國人，我住呢間酒店就叫韓鄉源...周圍都可以見到韓文中文對照既招牌。
連食既都好多係韓國野，仲有好多鋪食狗肉....我就接受唔到勒,咪搞世伯。

你又咪以為呢度好落後唔繁榮，雖然佢地好早就收檔(好多鋪頭八點左右就收工，夜場都係一點左右就收，又唔興便利店)


本來星期日(即係而家)就會番北京,但睇黎都唔會有機位車位...(啊羅賓就打算坐十七個鐘慢車番北京...)
我都係要留到五二,或者五三先番到來了。

訓覺先，下次再upload呢度既相

B2P

http://www.b2p.deray.org/

台灣有這樣的一號人物，他叫薛德瑞，他要在地球日這天開始騎自行車由北京到法國。
提醒大家要減少温室氣體的排放。

我跟他並不認識，只是剛巧大家也是蘋果的使用者，而在frostyplace.com找到他的連結，
才知道有這個活動。之前他也完成了環台和環法...上面的連結可以看到他的遊記。

在他的網頁上又提到:
不去會死』的作者，一位很可愛的日本人，石田裕輔，他在書中說了一句我很喜歡的話：
『基本上，會做騎單車環遊世界這樣事情的人，大多都是神經病。』

讓我這個未夠資格病發的病患者十分妒忌...

而現在他應該己經到了北京,開始這次旅程了

我這個只有坐在電腦前面看的，
祝你還有其他參加這個活動的朋友
一切順利!

上海北京長春

校長,老師,各位同學大家好,今天要為大家寫的題目是 ﹣上海北京遊記...(遊咩春記啊屌,叫你上黎做野啊輪樣)

咁因為要做野,所以早兩日己經到左上海,對上一次黎都成兩年前,新天地都係啱啱開,其實變化唔大，但係塞車既情形就嚴重左好多,而且以前食過幾間勁好食既菜館都唔見左,變左地盤,可惜可惜,食唔番個Ｄ肥到仆街Ｄ好咊到死既東坡肉...慘。

第二日因為要見一個幾年無見面既朋友,去左杭州左近既昆山.佢地叫呢度做小台北,因為好多台商都响呢度開廠,我朋友都係台灣人,十幾年
前同佢老公一齊去呢度做開荒牛,後來分左手,佢都留番响度繼續做生意,都算搞得有聲有色。呢個地方我五年前都黎過,而家真係唔同晒,燈紅酒緑好熱閙，晩上同埋佢伙記一齊食飯,照例佢地一開飯就對白酒,我呢Ｄ小混混白開水就得,不過都叫左支啤酒充撐下場面。咁啱支啤酒係千島湖牌,作為台胞佢即刻話:千島湖嘛,死很多人啊。我就答佢：對我,我喝光這瓶為他們報仇...一路都講埋好多呢Ｄ笑話。

食完飯,飲飽食醉佢就開架車同我周度巡下,後尾去到一間酒店既歌舞廰,原來佢地經常(有時晚晚...)都黎飲酒（勁!),個度仲有樣野鬼馬,竟然有鋼管舞表演(仲唔流晒口水!!)查實又無咩野,個女仔係小布Ｄ啫...不過第一次我都睇到"目不轉睛"啊下...一路係咁比人亨杯亨杯,飲到三點幾先可以全身而退...

打呢堆字既時候,正係坐緊夜車離開上開到北京既路上,點解要坐火車去北京唔坐飛機呢?第一,當然因為平啦(平飛機一半仲可以慳番一晚酒店)我又未坐過夜車,貪得意就試下,偶＠又有Ｄ好好笑既車內廣播(温馨提示,當你明天早上在温暖既晨光既抱擁之下來到祖國既首都...呢類,我實情著唔夠衫,佢仲講温暖既晨光...)過左蘇州之後其實出面都無咩野睇,黑孟孟,只係偶然離遠有Ｄ燈光...更可惜係車上面好難先揾到個插頭,想打下battlefield都唔得 :P...唯有乖乖地訓下覺,訓醒再講..到北京應該係早上七點左右,晨早流流都唔知做咩好,見步行步啦.(post呢堆野既時候而經响酒店住左兩日,因為掛住玩而家先出...)

呢個都十分好玩

一齊打rainbow啦喂!!!

村上隆的LV廣告

我不潮,所以不知道村上隆(村上龍先係寫小說架呵!?)有幾把炮.
不過條片.幾好睇