墨攻

都有幾個月無去過戲院,老友相約去睇墨攻,好耐之前己經睇過漫畫,漫畫十萬分掂...對張之亮都有信心..入場!

可能希望大,老實講...唔太得,其中一大問題係劉華..好唔統一,有時做革離,有時做做下,又變番華Dee...仲有兩野生鬼表情你睇下...漫畫版個個係"古縮"佬一名,無時無刻都堅持理想個隻,加上戰爭,係好沉厚既一個人,不過劉華既演出...似失戀多過似為戰爭憂心.(佢响房婉拒范冰冰講個節就似足失戀王啦)另外唔知係咪片長既關系,對戰鬥既描寫變得表面化,漫畫好多革離同巷淹中既鬥智無晒.係漫畫巷淹中死不退兵既原因之一-佢搞盡腦汁都收唔死革離個種唔忿氣又係無晒(其實對佢兩條友都無咩鬥智既描寫),好似挖地道個段,漫畫係好詳細交代革離點破巷淹中呢招既,電影版變左好似佢好彩撞啱敵軍入侵咁...最後變左得番一D攻城既場面.唔係拍得差,但老實講睇過LORT既攻城,呢種處理都好難會有新鮮感.亦令佢最後佢兩個(革離,巷淹中)講數既感染力無晒.而導演又想講好多佢自己既想法.都令到部戲有d兩頭唔地岸.佢又用左好多時間講梁皇點出爾反爾.反而梁適同吳奇隆個角色削晒(漫畫個梁皇一路都係左閃右避,小腳色一件而己).而漫畫講到d平民經過多次守城同革離建立互信都係輕輕帶過.所以最後既革離離開都變得可有可無...

最最慘係加左啊范冰冰呢個漫畫無既人物,係咪都要搞d感情戲...又改到革離番梁城係為左佢...呢度最大敗筆,原來之前講咁多道理,最後都係為左溝女.無啦啦又變番天若有情.加埋架電單車就fit晒.另外戲中提到墨家唔願意派人去助梁皇,但又無細明原因,而漫畫中既原因,革離所講根本連墨家都己經開始分裂,部份人對自己既哲學都開始懷疑,所以先得佢一個人黎,同時反映左佢對墨家學說既堅持...但係電影呢一改,加埋劉華既處理,令到呢種堅持睇完都唔係好覺...

可能導演都要顧及下商業原素,要揾條女佢溝下,咁先夾番大眾口味,但係咁一搞,就咩mood都無晒,最尾劉拖住個細路女離開,仲有小小"道地"廣告feel...好在佢無押樽野出黎...

咁有無好野呢...導演講梁皇個種反覆無常,出爾反爾既小人心態,同牛將軍對佢個種忠誠,但最後發覺自己笨七到無人有都拍得好既,又啊吳奇隆幾好睇啊下,可惜佢既戲份亦唔太重.

套戲唔係唔好睇既,但有睇漫畫既,會發現少左好多重要野,無睇既,當佢一般古裝戰爭片加情情塔塔都ok既,點都好過無極,張藝某個d假鬼佬野假大空野先.

Striker II: USB Laser Guided Missile

响你辦公室四周,係咪有好多黑你憎既老細或者麻q煩既同事呢,
對付佢地既利器終於出現勒...
只要你將呢個Striker II插入你電腦既usb port...
再用隨彈付送既3D瞄準系統...配合佢既雷射導引,瞄準最黑
你憎個條友既XX(你鐘意啦)...包保將佢轟過稀巴爛!

咁有效既工具當然要付出貴一d...花旗紙七十大元...
但相對於佢帶黎既快感,呢七草野簡直如白紙...
心動不如行動,click上邊題條link買仲平廿皮,咁抵你話去邊度揾

令我諗起...

神級既李華度...!

細哨!

頂級!超卓!...真係有今生無來世...peter黃上身!

youtube真係多野睇

有羅大佑加伍佰

好睇mv數個

有MrChildren真係好

唔好逼我

好多阻滯,諸事不順,個人又累,咁搞唔係辦法,但又無計,六合彩又未中...
又唔行得開...呢個時候ZUJI仲send個mail黎話去曼谷連酒店唔使一千....小啦叭....

灰爆啊!!!!

卡man拉打

變.....身!!!蛇麻lu....塞架
下年會唔會有V3既雙風車呢

天星碼頭

圖片from蘋果日報

睇報紙講,天星碼頭話咁快又到lastday...係咪拆都未知
不過今報紙登個個新碼頭就真係...可唔可以再樣衰d.
我成日話d新建既建築黎黎去去都係玻璃幕...見到呢件
野我明勒,原來除左玻璃d人唔識搞第二樣物料,所以d
碼頭啊,文化中心個d一無玻璃外牆就搞到一pet屎咁...

啊權權搞西九其中一樣野係要建"地標"...原來無講清楚,
係建"核突地標"...有條金龍金紫驚都唔夠皮,仲要搞個
好似無線爛劇個d濕鳩佈景咁既碼頭先安樂...咁又好難怪
d導遊要帶d大陸同胞去下珠寶店買下手信,打死都唔去
呢d景點...咁既樣點比人睇啊大佬..."唯有"困晒d清海
團响金志磚啦睇金馬桶啦.

老董

條肥佬呢輪又出番黎,上次攞完大紙驚,今日又去科大攞個咩Q社會科學榮譽博士.
佢對社會科學既貢獻,可能就係比大家研究下一個人可以黑人憎到咩情度,如個咁
計佢真係實至名歸架.難怪有班科大應屆畢業生發晒公開信屌晒鬼,仲有人响
個場度噓Q佢...呢班係佢治下既教育機構所教出黎既"精英",即係啊羅飯焦芬
話最無資格批評特首個堆人,就响呢個場合以噓聲回應番佢(只係噓佢..都算尅
制架啦)...唔知呢d算唔算現眼報.

又有D人話佢都落左台,唔應該咁對佢...喂喂,人地未落台架,仲不跌反升,政恊
黎架..仲有喎,佢離任咁耐有無對佢八年黎所做錯過既野道過歉?無,咁比人噓下
都便宜左佢啦真係...換轉d激進d既地方,收左佢皮都似.