無聊...又醒起要去旺角買mac book pro既保護貼,於是中午就上左麥客居一行
店主啊johnny十分nice,同佢都吹左成半個鐘,由第一部mac講到啊滔哥之前件
菠羅油皇子.件保護貼十分好用,台灣出品百零蚊貨仔,如果有白色mac book都
應該買返件,唔使D手汗搞到部機黃咁咁.
跟住都仲係無咩世藝,就遊左去APM...唔係官塘,旺角有間新網吧叫@pm...唔算大
間,但唔太多人,舒舒服服咁打左陣WOW.坐左三粒鐘都係四十零蚊,飲品任飲,但無
野食,都係佐熊比較好坐,但呢間鬼馬在可以沖涼!門口個妹妹又十分好禮貌,响旺
角都算唔錯.
離開既時候都五點幾,揾食,周圍掃街,原來旺角而家有燒海鮮咁利害,仲有間响登
打士街新開(新掛,咁耐無黎)台式飲品店,買左杯檸檬+蜂蜜既唔知咩名...都幾好
又唔甜...
行番行人專區,又有幾個少布show girl比人影相,我响背後行過睇唔到樣,反而見
到好多法輪功派大紀原,都係閃人.
番到黎坐底諗諗,搞左咁多野原來都係過左半日,無野做既日子都幾無聊,一係訓左
一係hea左,係咪真係工作既比例太多呢...睇黎都係要諗下揾d搞作先得.
3 comments:
旺角間網吧响邊ga? 事關我很out, 屋企冇得上網, 唔响公司但又想上網, 有d煩.
條片已經做好曬？
無野做既日子我都幾享受．．．不過冇幾何咯！
Vicky: 旺角間網吧呢,响西洋菜南街(即係星際城市個條)响間叫遠景大廈3/f.你見到轉角間IT(好似係IT掛)向上望就見到,唔難揾既.
Felix: 邊有咁快啊,十一月尾啦我估...
做到悶吞下pop啫. :P
Post a Comment