上山

睇報紙見到古天樂出席剪綵活動,間鋪頭竟然係burger king.
原來响除左機場禁區外，仲開左一間响山頂淩霄閣（個名真係好似擺骨灰個Ｄ地方）
於是今日決定去走一轉！由銅鑼灣出發，去到山頂大約半個鐘左右，一路上都陽光燦爛,仲見識到香港人幾咁有錢...架巴士行到一半己經見到四架法拉利,兩架林寶堅尼...好快手就去到山頂,拿拿聲去睇下間鋪响邊，好容易就揾到,因為好多麥記既伙記响左近派傳單,睇黎都對老麥有Ｄ影響。

間鋪一Ｄ都唔大,大約坐到三四十人,去到而經滿晒座，唔理咁多馬上去排隊買野食先算，有八個餐,仲有炸雞同埋蘋果批，兒童餐之類。二話不說要左個最貴既餐：煙肉芝士華保（係咁上下名啦,唔記得）成55財仲比多兩蚊加大,夠竟成六十蚊個餐好唔好食呢...？
得！塊牛肉仲多汁到死,又大件,仲有大量菜同埋蕃茄。同tony romas個類既出品有得比下。好好食。三兩下手勢就收左佢檔。仲有一大堆薯條,不過同老麥個Ｄ其實無咩分別。因為企响度食（係啊,爆晒棚無位啊）所以留左十五分鐘就走人,下次要揾個無咩人既時間去多轉先得。食飽，就四處行下,仲行左去條山徑，又唔晒又好風,非常舒服，好多一家大細都响度行下,有個老豆仲响我後面一路教個仔咩叫負資產...個然有香港特色。

得閒當去行下山都唔錯。
我開始明白點解山頂Ｄ樓要天價咁貴，除左環境靚之外，仲無咁多蛋散响你屋企左右”創地標”啊麻。