創意工業

路過何故兄的blog,讀到有關添馬艦興建新政府總部的文章.文未提到創意工業,何兄提到這片土地用來興建政府大樓的話,將會失去一塊用作文娛月用途的用地.阻礙香港創意工業的發展.我想,何兄是過慮了.因為,就算這土地興建了世界知名的歌劇院畫廊博物館都好...最後都只會淪為地產項目的,你睇!我們偉大的數碼港,除左買埋好多電腦之外.又有幾it...正如我們的足總繼續這樣運作,霍公子繼續為我們"發展"足運,多建十個大球也是多膠餘的...!

另外有一個說法,要創地標...於是把所有舊的拆了,起高三四十倍,就係地標了...香港得個丁方咁細,我地使唔使要咁多一模七樣既地標呢,去中環睇睇,除左玻璃幕牆同反影出你自己個貓樣同埋個d撞埋去既雀仔,仲有咩特色...?我地係咁真係咁鐘意照鏡?作為一個旅客,我點解要比幾千銀黎照鏡.由其隔離梳打埠係世界遺產...

又或者去新界北區既各大屋村睇睇,你唔係個區既居民,我敢講你係絶對分唔到咩村打咩村的,毎一座大廈既設計都係一樣的!喂,以前唔係咁架喎,我地有勵德村,有彩雲村,唔同架喎,點解退步得咁交關.

你唔好話我懷舊,起碼灣仔春園街個堆舊樓,就"好味"過晒D IFC...作一個市民,我要既係"生活",唔係呢d無謂地標.

咁當然,我地d官員又會一邊打機一邊同大家講,要向前看,要放低以前既包袱...香港一定得!!