呢d咩撚七中文黎架

識唔識字架呢班人

六四記者

在邊度有書(http://blog.yam.com/pintolivros/)看到有關陳渡先生的消息,文中提到他有關六四的藏書.
原來陳先生於澳門華僑報撰寫有關他於六四其間於北京採訪的回憶錄,由六月一日開始寫了廿多編,有興趣或根本不知六四為何事的都可以到http://www.vakiodaily.com華僑報的"副刊選輯"看看

嘩嘩嘩....

揾食啫,都唔使整個咁既廣告吓嘩...
早兩日先同個製片講開,佢都話而家d 廣告creative 水到唔水,今朝就見到張咁野勒...
加埋啊 白花油王"朗拿度.顏"個個.真係雙鬼拍門,你逼我熄電視又唔買報紙啫大佬...

唔識扮識

其實,我又唔太介意呢d插科打諢既足球節目主持(我睇球彩台睇得好開心架)...
最令人頭痛既係個d識dd又識唔晒,但又扮專家個種.呢種人暫時响
足球評述黎講都未算多(鐘志光囉...各位觀眾記得打匯應通...),因為你唔識
要講得晒個廿二個名真係唔易的,好易穿崩.

但係有賭波之後呢.呢類人就如"雨後春筍"咁出現勒...最常見係講皇馬個d,
通常皇馬輸左之後,下一場就會有d"皇馬要揾出氣袋,必大炒"之類既標題出現...
結果梗係比人執多劑啦...蛇果同東方就最多呢d,個題越大就死得越快.

咁又真係有人會跟呢d所謂貼事買喎.出左事後就話人打假波又呢又路啦,
但無人諗過,自己唔識又走去買架喎...唔識,你咪去買電腦飛囉.真係有人
打去電話投注,買奧雲對碧咸碧咸下盤一萬!咁你就唔怪得人搞賭波啦...

賭波又唔同買六合彩,真係要度,真係有得分析(領隊其中一項工作黎架),
但好多人都唔明,以為買強隊就得(去季係咪都買曼聯阿仙奴個d好明白啦應該),
早兩個禮拜睇啊蘇民峰個節目講左樣好啱既,佢話,有橫財運呢就去買張六合彩,
中就中唔中鳩就.賭馬賭波賭十三張都係有技巧既,投注,真係要策略架.

原來碧ham

最叻射十二碼
嘿嘿!!

新足球game

响360版見到有關fm2007既消息,於是上sega一看究竟.
反而發現呢隻 world football climax ...好有jet set radio既味道.

至於FM07則會於年尾聖誕見街,仲有psp,360,mac同pc版...我今集一隻杯都未攞喎,
要努力d先得.

終於睇到病

咁唯有靠贏波沖喜下勒...

多哥 對 瑞士 0:0 海軍鬥水兵
沙特阿拉伯 對 烏克蘭 0:2 舒夫真高同我入晒佢!!!!!
西班牙 對 突尼西亞 2:0 唔會場場炒掛

全軍覆沒

尋晚,貼三場,買兩場,香晒!

再接再勵,今晚要:
日本 對 克羅地亞 ...0:2 我鐘意日本,但係,佢地機會唔高了
巴西 對 澳洲 ... 2:0 2:1 巴仔唔敢放軟手腳啦掛
法國 對 南韓 ... 0:0 0:1 太極虎咬爆法蘭西!

世界杯與父親節

今日係父親節
我老豆走左十幾年,呢個節,由細到大响我屋企都唔"流行"
我老豆係傳統既父親,講唔啱就講手,打到七彩!但係,一家圍埋既時候,佢又好風趣的.
我又係一個唔識同佢溝通既仔,當然,我都唔係孝順仔,根本,我都唔識點"孝順".
我慢慢大,就慢慢"學壞",自然同佢既距離就更遠了.

直到,我睇波.原來,我發現我地係可以有共同話題
我記得,十六七歲既時候...年初四,我同老豆去大球場睇賀歲波,之後,
仲單獨同佢食左餐飯.懂事之後,係未試過的.
我仲可以為左同佢睇場波,一條友走去何文田足總,用晒d利是錢買波飛,仲蕩失路.
於是,兩個人,有計傾了.

一般電影,通常兩個人D關係有改善...編劇就搞個反高潮...事旦搞死一個.
幾年之後,佢就過左身了.
我同佢,只係"渡過"左一兩次世界杯.

球迷們!有得睇好睇多場了,由其同你老豆一齊睇

創意工業

路過何故兄的blog,讀到有關添馬艦興建新政府總部的文章.文未提到創意工業,何兄提到這片土地用來興建政府大樓的話,將會失去一塊用作文娛月用途的用地.阻礙香港創意工業的發展.我想,何兄是過慮了.因為,就算這土地興建了世界知名的歌劇院畫廊博物館都好...最後都只會淪為地產項目的,你睇!我們偉大的數碼港,除左買埋好多電腦之外.又有幾it...正如我們的足總繼續這樣運作,霍公子繼續為我們"發展"足運,多建十個大球也是多膠餘的...!

另外有一個說法,要創地標...於是把所有舊的拆了,起高三四十倍,就係地標了...香港得個丁方咁細,我地使唔使要咁多一模七樣既地標呢,去中環睇睇,除左玻璃幕牆同反影出你自己個貓樣同埋個d撞埋去既雀仔,仲有咩特色...?我地係咁真係咁鐘意照鏡?作為一個旅客,我點解要比幾千銀黎照鏡.由其隔離梳打埠係世界遺產...

又或者去新界北區既各大屋村睇睇,你唔係個區既居民,我敢講你係絶對分唔到咩村打咩村的,毎一座大廈既設計都係一樣的!喂,以前唔係咁架喎,我地有勵德村,有彩雲村,唔同架喎,點解退步得咁交關.

你唔好話我懷舊,起碼灣仔春園街個堆舊樓,就"好味"過晒D IFC...作一個市民,我要既係"生活",唔係呢d無謂地標.

咁當然,我地d官員又會一邊打機一邊同大家講,要向前看,要放低以前既包袱...香港一定得!!

唔使估勒

呢次落手買埋添

阿根廷 - 塞黑 3:0 基斯普給我狠狠的轟吧!!!! (我真係好鐘意肥良d對白!hahaha)
科特迪亞 - 荷蘭 1:1 荷蘭進攻爭d,科特迪亞防守爭d,打個和啦
墨西哥 - 安哥拉 2:0 安哥拉未夠班啦

睇左一個禮拜,己經好眼訓了

呢個又係笑死

又係from足版,呢次係笨尼版友!

今日食完飯搭巴士
聽到有條西裝友大聲講電話
佢滿臉自豪話:「喂，我抽到科大柏金講座D飛呀!」
我已經勁忍笑，點知佢仲話
「柏金?你唔係唔識呀?柏金好勁架 (但都冇提過大爆炸、黑洞)................佢總之好勁啦」
跟住我忍唔住笑
走左去下層....

柏金好勁架 - - 好在都無話佢好腳法.....

巴西

hea住黎踼...好在對面d箭頭無料到

好,今晚我要:
西班牙 對 烏克蘭 0:2 舒夫真高給我轟吧!
突尼西亞 對 沙特阿拉伯 0:0 呢場難估,兩邊都甩皮甩骨
德國 對 波蘭 3:1 3:0 波蘭可以執定野番去放暑假

想笑死人咩...

轉自足版longlive版友:

lunch食飯聽見三條港男講霍金：

A:點解霍金會唔郁得?
B: 好似話俾老婆虐打到殘廢
A：係咪就係幫佢推輪椅o個個?睇個樣唔似喎?打到殘廢到告唔入?
B：可能就係打到佢上唔到court所以告唔入掛，個女人係貪佢幅身家，幾年前新聞有講
過啦
A：波我就識，科學我識撚
C:乜原來佢咁慘，唔怪得咁多人同情佢

........當一個偉大科學家俾人讚賞唔係佢對佢科學既貢獻而係殘障既可憐分數....真
係好可悲

死火!訓唔著

睇完意大利,眼光光,仲有成個月!點算!!

好!繼續~日本估唔到林美香...仲要散晒,體能同把握能力都唔得,不過睇澳洲都係行唔遠架勒
捷克-中場fit,但無左真高拿,要靠米蘭巴士真係大近視
意大利-仲有大把貨都未出,d人都未上力,順順利利照睇有力去到四強

今日要
南韓 對 多哥 2:0 多哥奬金都無著落,你打埋佢個份勒
法國 對 瑞士 0:0 1:1 外圍賽都和兩次,和多次唔奇
巴西 對 克羅地亞 2:0 3:1 克仔未必逼到巴西出真力,但係柏素可以用高波博下破蛋

路斯基

入兩球了!
之前雲加簽佢既時候,仲有好多"只睇英超"既人話佢唔掂,
打多蒙特呢d球隊唔夠班等等...唔知過左世界杯d傻仔又
會講咩了...

通識教育

霍金來港,足版有青年問佢係邊位,有咩咁把炮.

原來通識教育無教架咩,不過都唔使大驚小怪,我都試過有人問我史匹堡係邊個...霍金呢d相對咁冷門,唔識有幾奇,柏金就多人識...可能買過佢首名入球都未定添.

我地政府有d一路開會一路打機都得既局長,點解教出黎d學生會咁水架呢.真係今人費解啊

温馨小題示:如果你真係識柏金唔識霍金,或者連柏金都唔識的話...去呢度瞄瞄:
http://zh.wikipedia.org/

仲有個d濕鳩傳媒,叫住唔好用閃燈,都照閃埋去,人地點講都係一個病人.呢d友就真係影衰香港.
有無家教架究景...作為香港人我真係覺得醜囉!!

第四天了

澳洲 對 日本----- 0:2
美國 對 捷克----- 0:2
意大利 對 加納-----2:0

有無咁啱都係2:0呢...

第三日

尋晚斷二中一,好彩中基斯普首名入球...

今晚
塞黑 對 荷蘭 0:0 1:1
墨西哥 對 伊朗 1:0 2:2
安哥拉 對 葡萄牙 0:2

頭兩關己經收皮...尾場葡萄牙仲無埋迪高...

再黎

好,尋晚一勝一負,今晚再黎

英格蘭 對 巴拉圭 ... 0:0 0:1
千里達 對 瑞典 ... 0:2 0:4
阿根廷 對 科特迪瓦 ... 2:1

倒錢落海

好勒,今晚就係世界杯開幕,為左証明賭博係幾無益,我由今日開始,日日都貼賽果,
睇下一個月後中幾多啊下.

今晚有兩場
德國對哥斯達黎加 德國2:0
厄瓜多爾對波蘭 波蘭0:1

搞爛GAG

特區政府見世杯未開波,大家無世藝悶悶地,於是搞下爛GAG,揾人拍左條立法禁煙既片,揾條靚妹周圍走,弓話佢老豆就死又老母就死咁,叫人支持佢立法禁煙云云...

我,唔係煙民,都明白好多仆街煲煙四周圍濆好黑人憎,不過,如果講到又死老豆又死老母咁大件事...
不如禁左佢啦,唔比賣,走私入口既捉打當場通櫃...!

佢講到為全港市民健康著想喎...但你又要比人賣,又要賣廣告話人仆街,呢d咩道理黎呢又...講到尾,年年抽咁重稅,放唔到手下嘩?

咁就唔好扮正義啦,最撚樣衰都莫過於此靱我覺得.

森尾小儀領左野

呢次佢兩條友玩出火,其實我係唔太關心,呢個題目基本上各大科林既sex版名星相版都有人講過晒,唔係咩新奇士,我又唔係咩女權主義者.但係令我覺得有問題既係,好地地間商台,搞到要出呢d咁既爛橋...

大大話話聽左CR都成廿年,我好細個己經半夜三更聽黎彼得既"豪情夜話",個節目係佢一條友,晚晚揾唔同行業既人同佢訪問下,吹下水咁...自此迷上左聽收音機,基本上,只係聽CR1同2,港台,間中都有掂下既,但久而久之,發覺佢地實在太悶(公營機構既問題啊下.),當然,軟硬既出現,實在令小小既我覺得收音機仲吸引過電視.(部電視係攞黎睇波同打紅白機用之麻).以前,真係可以24小時開住個收音機,我連第一部discman...都係要有收音機function),點解咁著迷,因為個時個個Dj都有番d料,唔似而家個d講埋d佢自己都唔笑既爛GAG以為好撚醒!(個件梁思浩都仲有得撈就証明左廣播質素幾咁低落!雖然佢撈港台...又難怪啊毓民咁火,呢條七六都有得開咪,佢就要响自由亞洲電台發表政見),對上個零月仲有件蛋散學人講書評當左林海峰係佢地台個同事既笑話(本書入面講呢個林海峰係我國棋藝大師,好出名個隻!)...真係啊林彬聽到都嚇番醒.
而家仲話要搬番軟硬兩老出山救命,真係聽見都心up,原來,一個笨七既人,真係可以將一間機構連根抜起令佢收皮(啊"余"生既功力真係深不可測)

apple最近又出左件野播响ipod聽收音機既新產品.但係而家d電台搞成咁,三舊幾水,買黎聽綠川電台咩...

狗事件的下文

原來,在六月三日,有心的同學己經開始將狗隻分批帶到能夠暫托
的地方,希望所有小狗都有瓦遮頭,有好日子過!

至放個位"神父",幾隻狗你都恰,你d咁既撚人都係落硬地獄架勒,
預祝你早日收皮,屌你老味直到永遠...阿門!

狗事件的下文

原來轉大校方表示,要將狗隻 "送養"到"有專業動物收養能力的收容所進行安置"
簡單d講即係叫捉狗隊捉晒佢番去"(不)人道"毀滅.

作為一個好日都唔番教會既教徒黎講,我會為呢班小朋友好好禱告,
同事預祝呢位"神父"你落撚硬地獄架勒,屌鳩你!!...直到永遠,阿門!!!

台灣輔仁大學的狗事件

在網路上看到這則有關輔仁大學的狗要給新副校長趕走的消息,
看完的確令人震怒,絻對可以用以話係人神共忿!因為,事原呢位
新上任的副校長,原來係係一位"神父",因為個人的喜惡問題,
要將一直在校園內有同學自發照顧的二十多頭狗趕走...

神咩撚野父啊你,我好鄭重咁同呢位"神父"講一聲:
我屌你老味!好撚彩你呢d契弟無你生唔係生仔都無屎忽!

如果你睇完都有以上感覺的話,希望你會繼續關注事件,又或者
你係教會中人或者此校校友,希望你可以對教會或者校方施加壓力,
幫助一下呢班無家可歸既小朋友!