"書展熱賣 o靚模寫真集，動漫展更加瘋狂，退休高官陳太早就對呢睇唔順眼，上星期寫
blog批評呢寫真「近乎色情刊物」，根本唔應該歸類為「書」，今個禮拜再發炮，指雖然好多人認為 o靚模風氣冇問題，不過佢始終認為，書展目的應該係推廣有益身心?健康書籍同閱讀風氣，「而非成為稱不上書的 o靚模寫真集的促銷場」。佢希望貿發局明年籌辦書展時，同教育界、家長團體、出版社各方面商量尋求妥善安排。陳太強調自己唔係封建守舊，只係覺得成年人有責保護青少年，佢指 o靚模唔係單一現象，當索 K成風、少女以做 o靚模搵快錢為榮、少男少女對網上援交視作等閒時候，係咪應該由呢情況繼續放呢？"
首先申報利益 - 周秀娜個本野我都有份做...但呢批靚妹書一本我都無買過.
書展目的應該係推廣有益身心健康書籍同閱讀風氣，「而非成為稱不上書的 o靚模寫真集的促銷場」
咁由邊個可以界定咩係 " 有益身心健康書籍" ??
係組成機制仲神秘過亞蓋達既淫審處，定係鳩到無朋友既明鳩社??...定啊陳太諗住揾埋佢班手袋黨組成審裁處，幫呢個社會除三害??定要問過中央...咁啊紫陽同志個本"改革歷程"分分鐘都教壞細佬唔比賣喎...
到時書展係咪淨係比賣兒童樂園同樂蜂報...
"o靚模唔係單一現象，當索 K成風、少女以做 o靚模搵快錢為榮、少男少女對網上援交視作等閒時候，係咪應該由呢情況繼續放呢？"
買本書又同索K同做雞拉得埋關係，咁日本晨早亡國啦...使唔使拉晒佢地去浸豬籠....
No comments:
Post a Comment