tvb

親戚生日,去酒樓食晚飯,焗住睇左一晚tvb,做咩愛滋籌旗節目,幫大陸愛滋病人,先唔好理有無意義(挑!有錢射火箭無錢醫病,唔好玩啦)個節目真係...先有陳年女歌手為演唱會出山唱兩咀,隻歌舊都無問題,佢唱都無問題,但個景,可唔可以多d野,吉到衰過夜總會登台!一係就揾幾條大咖跳唔知咩春...以前無記再無創意都好少做衰呢d show既,真係一蟹不如一蟹.跟住啊李克人唱唔知咩,又係口up up都聽唔明佢唱咩,搞到我好似唔識中文咁,要睇字幕!

跟住仲有大陸一班小朋友唱咩歌感謝大家咁有心捐錢,嘩!唱到甩晒q都算,仲搞兩條細路唱帝女花,真係唔小唔鬆化,仲唔夠皮整多個陳祖澤!唔係話你做善事要全世界聽你唱K架大佬,你專心楂巴士把啦...個d玉米高老鼠安都費事講...好不容易捱過呢個咁既show,再搞個咩交際舞大賽,個製作可以仲悶過中央台"夢想中國"(中央台搞既歌唱比賽,用黎鬥超級女聲既,個show無咩特別,但參賽者都唱得幾好聽既)...

食完番到公司,還好仲見到仲有半場波睇下...你話屋企無番部360 ps2看下門口點得掂.

p.s.啊何大一醫生真係好野架,要搞研究周圍飛不特止,仲要參加埋呢d卡啦show聽d傻佬唱k真係慘架你都咪話.

p.s.2講起帝女花,又諗起毛記以前拍咩Q洛神,有個場口影住啊宮女向皇帝請安之類,個皇宮得個幾百呎,啊皇上間房仲迫迫夾,真係"迫貴園",啊皇上啊,你睇下而家人地個舞台,大個你屋企啊陰公.

偉大既祖國竟然有呢種產品

仲捉到四個人出貓添,問你服未!

天星碼頭

趁半夜無咩車，踏單車去左西環，回程經過天星碼頭,影左幾張相,仲見番報紙檔好耐無見個事頭婆，以前日日坐船都要幫趁下佢...

買埋頭尾燈

終於可以夜晚出車,頭先楂左九個字左右,由公司去跑馬地,跟住出番灣仔,又番銅鑼灣行左一陣,再番公司,都幾辛苦,要努力練下先得.

triple O

上次試過burger king,今日成班同事話試新野,於是去左中環 triple O.
經過金鐘先醒起...PP咪有一間囉!不過車己經到中銀,仲見到中銀門口個五
隻"keroro"(唔明既你去中銀門口走轉就明架啦)...行行重行行,終於去到.
叫左個veggie combo(咁上下名), 個餐85個大洋,有薯條同milk shake.
個包好食,配菜就同BK差唔多啦,件肉呢..BK好d,可能煮法關係啦.有個同事
叫左雞包,佢就話件雞無咩味...

薯條好食!我唔太薯條都成筒食晒!杯野都好飲...85都ok既.

下次再試埋星街個間同mos先.

買左單車啦

好開心,想買左好耐架啦!!!!
可以楂佢去灣仔食個消夜再去北角食埋個早餐啦.hahaha!