Friday, May 13, 2005

迪事肥...

下面張相,係早兩個月响東京迪士尼影既(個度唔係千葉咩...)
咁我其實對迪事肥同啊米生都不感興趣(之但係對我同行個個有興趣麻...咪去囉)
基本上...我又唔玩機動遊戲,又怕人多.又唔願行.所以呢個地方注定我係唔鐘架勒....

ok...咁既來之則安之,但係,個場咁大...點解我想揾個地方坐下,都咁難呢....
咁行到累,想飲啖水...但係成個場係冇自動售賣機既喎(我諗日本城市地方佢都算奇..真係一部都無)
都唔緊要...但點解毎個賣食物或者飲品既地方,都咁大條隊...!!!我想飲啖水啫大佬,排到埋去死左啦.
買午餐個度又係咁...條龍好似書展d打蛇餅咁...嘩...五百個大洋都係得個碟咖哩飯"仔"...真係比搶還要好啊下...

行行重行行,去到門口,個d扮啊米生啊winnie the pool個d人又出現囉喎,咁同行既友人自不然想埋去影張相咁啦...咁影相佬呢d工作就梗係我呢d閒人做啦...仆你個街你隻winnie郁咩野啫,點focus啫你叫人...影唔到我點交差啫...

so...九月呢間謀人寺開張既時候,都係出門避一避好d

No comments: