衰鳩格到無朋友

要揾本書，頭先去左披廚温走一轉，先發現而家d撚人咁仆街既.

呢d大間d既書店好多都响當眼位放張長枱，上面就係d新貨啊咁放晒响度方便大家選擇，容易d見到個咁你落疊既機會都高d啦，偏偏就有d咁既粉人，就咁翻開本書就企响度打書釘。唔係唔比你打書釘，你棒起睇得唔得呢？本野而家幾廿斤重？係要阻住隔離左右先安樂既，仲有條八婆，成個袋放晒响堆書上面！屌你老味第二個唔撚使睇啦，你老味你型撚晒啦！

屌拿媽星，你都去得書店，斷估個醜字你條冚家剷都識架，小撚小公德心都無，係咪唔屌唔撚鬆化既呢！我都算好有禮咁同佢講，小姐可唔可以攞開個袋，佢老西仲要超一超我，好似全世界阻鳩住佢咁款...唔好老皮D就掉鳩左你老味架啦。LV得你咁撚衰樣。

隔無耐條八婆電話到，黎手掉低本書就走黎左去，唔幫趁都預左，你都放番好佢啦...打發時間你就去行LV，咪阻頭阻勢啦屌靶...

披廚温揾唔到，又去到商務...又係呢d咁既西人响度阻鳩住...屌拿星又唔係幫趁，又係要阻撚住地球轉既！個d咩鳩再陪訓局啊，開d班比呢d撚人再教育下啦唔該...正一屌靶

八萬五!

掂啊呢兩位同學！

French coach Raymond Domenech knows exactly why his side failed so miserably at Euro 2008. It was the team's hotel. "The layout of the hotel was all wrong," he said. "It was in a kind of cul-de-sac with only one route in and out. Plus, there were no proper directives from the Swiss about gatherings of people watching us eat." (Daily Express)

oh yeah!真係浪漫啊，輸左波又唔理顧住求婚啦，又識星座選球員，而家風水都識埋啊，擝埋啊麥00做助教啦...

明燈日報

德國又過一關，仲要搞掂C7，真係開心死...hahaha!

由賭波開始都己經有睇蛇果既習慣，因為睇慣左佢既賠率，睇方向個d始終唔慣，所以星期六日都會買番份蛇果，更重要係呢份野燈到唔恨，好似尋日三條大題都開晒對家(佢貼瑞典 - 西班牙 細 - 同埋巴西...)，
今日又中埋葡萄牙...真係法力無邊！

查實呢樣野我都留意左好多年，佢年年聖誕都叫人買曼聯，個d買曼聯提早過聖誕既題都唔知見過幾多次，次次都炒燶收場...所以問貼士不如買份蛇果跟佢買對家。

今日又有新發現，佢而家連風月版都要貼下波，揾條女著件球衣影下相，但係命中率好似中好過波版!我記得尋日個條女就貼德國勒，今日就要土耳其，又睇下佢係咪咁堅做得死克羅地亞...

心都涼晒啊!!!

圖片 : BBC Sport

haha!荷蘭大炒"杜明尼治"四個一皮!好拿心涼啊!!!
帶咩波啊你，收皮番鄉下玩占卜啦星座小王子...hahaha!

咪住，你都係繼續帶法國啦...又收錢啦...haha!!!
真係國際級銀行隊啊!

MGS4

入手!
靚到不得了!

歐洲國家杯

歐國杯今晚就黎料，對我等球迷黎講(我係連越南對唔知咩山卡啦都睇得一餐既)重要性遠超d咩同一個夢想奧運呢種u23賽事既...(如果今年阿根廷有美斯同阿古路就要睇下既)

歐國杯對我有特別意義，可以話係我"睇波"生涯入面第一個大賽。時為88年，當年亦係荷蘭第一個大賽冠軍。加上我係十分鐘意古列治的(係勒，就係傳啊李珊珊溝佢定佢溝李珊珊個個古列治勒....當然仲有神級既雲巴士頓同埋*口水佬列卡特)，所以到而家我都十二分咁鐘意荷蘭的(包括埋橙色同林布蘭同"煩糕"!!)。雖然再早兩年既86世杯都係有睇，但印像就相對模糊勒(馬生既上帝之手同埋巴西對法國，我仲記得個講波佬話場波質素高，界外球都特別小既...)

近年歐洲杯各國既水平我覺得係拉近左的，可能多左球隊參加歐聯啦，又或者歐聯盟成立之後歐洲球員唔當係外援，多左人出國揾食，提高左水平啦...雖然四年前爆隊希臘出黎棒杯既情况好難再黎多次，但意法呢d傳統強隊都唔一定食硬。

咁今年荷蘭有無機會呢，個人覺得...窄D，最大問題係後防中堅成日甩漏，雲達沙再神勇都打唔晒架。所以荷蘭响"死亡之組"要出到線都唔易。個人更睇好德國(我買左十蚊高路斯攞神射手架!)，黑馬我就估克羅地亞同土耳其(博佢今晚扑低葡萄牙好分啊..haha！)

ps. http://cn.uefa.com/index.html　中國強大啦 , UEFA都有中文版啦!!! (...有左好耐啦)
ps2. http://www.wbxgame.com/wbxgame/default.aspx 朋友搞的歐洲杯遊戲，支持下啦!
ps3 *口水佬都係啊敊改既，佢仲次次都話要打電話比碧根巴教佢換人...haha.

一年容易又...

今日既遊行，我都無去到，不過唔代表我唔記得左件事既。

如果你都仲記得既，過兩晚維園見啦。

http://www.amnesty.org.uk/china/petition.asp

http://www.tmc-hk.org/

http://www.fillthesquare.org/chinese/

當奴

陳偉業在立法會答問大會上問及，政府的廣播政策落後，如同北韓及緬甸，政府何時才能開放天空，讓市民可有民間電台及小眾電台。

曾蔭權表示，他感到很奇怪，為何如此比較，市民隨時可透過互聯網發放訊息，沒有限制，為何一定要用大氣電波，如陳偉業要衝撞電訊條例，執法人員是依法行事。

- 咁你試下打開個收音機睇下收唔收到 my radio , 民間電台? 又為何一定唔比用大氣電波呢種公共財產?又又為何有d人又可以霸住公共電波响度鳩up吹波波?

波唔係咁搞架-契弟!

from　 蘋果日報:

盧志軒於上周三在旺角花墟球場踢亞協盃 ， 於下半場被派出場 ， 但作賽僅七分鐘突然暈倒 ， 送院搶救 一度情況危殆

有 傑 志 球 隊 的 人 致 電 盧 家 ， 說 翻 看 球 賽 的 錄 影 帶 ， 指軒仔是自己倒地，未必符合工傷賠償資格。(!下半場被派出場喎!唔關個會事架?佢硬膠膠自己走落場啊?) 記者致電傑志足球隊總領隊伍健 ，他表示不知道軒仔今後不能踢足球（屌你老母領隊喎，個球員唔踢得你又唔鳩知，領咩撚隊啊屌你) ， 稍後會聯絡其家人了解。盧家的遭遇極 待 熱 心 市 民 援 助 (熱心市民!?咁你個會又打算做d咩去幫下佢啊，得撚把口講!)，希望集合眾人的力量，幫軒仔度過困境。

自己倒地，未必符合工傷賠償資格 - 即係比人踼撚死就有得賠，屌你老味心臟病就仆街趁地淋，咁買份保險黎托撚！咁唔係啦，下次換人之前响場邊問清楚先出場啦，呢間咁既西會，請球員唔係驗左身架咩?而家出事就推黎推去，伍健你第一日搞波啊?咁撚樣既會咪鳩踼啦，有錢賣廣告無錢賠湯藥。屌你老味正契弟！

Sicko

看完 Sicko,電影要講的不單只是醫療制度不公的問題,印象更深係美國人所相信的制度的批評,不管美國
民眾對這制度是欣然接受或是受到保險/政府/媒體的集體恐嚇,到最後,大家無可奈何.

因為你付不起日常開支,所以你要拼命工作,然後又把大部份的薪水投放到保險金/醫療開支.於是,你繼續無錢...情形同香港人買樓其實都幾異曲同功.當然你供完層樓就自己資產,保險金!?...真係sorry.

片中的法國人或者英國人,對美國醫療的諸多收費都流露出"驚訝"的表情,同樣我對法國工人所擁有的福利也感到不可思議...當然他們可能只代表一小部份英/法中產階層,但最今人疑惑,正是片尾哲古華拉的女兒所問的:為什麼古巴做得到,美國不能?

更令我疑惑係,我地政府要推醫療改革,經過"強迫金"之後,最終係咪肥晒d基金公司?呢次會唔會肥左d保險佬...咁計落買保險,買中人壽會唔會穏陣d?點解以前香港做到的,現在/或者未來的特區會做不到?是人口太多(仲話要谷到一千萬)?我唔係政策專家當然唔知搞咩,...不過,點解一定搞到要專家先睇得明?有沒有專家可以幫大家解下畫?

同時又令我想起剛過世的柏楊,雖然很多人都批評他治學不精,同樣有很多人覺得Michael Moore嘩眾取竉,不過最少他們都提出了問號 - 究竟,大家想要一個怎樣的社會?究竟我地有無say?

又又令我諗起JOJO入面既吉良吉影....佢都係想安安靜靜生活...不過得閒揾個人殺下啫....

洗底

蛇果日報報導，,話因為偉大既"性火"會巡到入沙田,為免四周圍既"景物"影響到傳遞（唔知點影響到啦...可能傳傳下見到d嗱渣野唔夠神聖掛),咁有關部門就要d路上既單車啊,汽水機啊通通要搬走,隔離左近d街坊仲要唔好掛d衫啊棉被之類出黎添噃...

嘩,個奧運會,响北京搞架喎,坐飛機上去都要三粒鐘喎...關個住沙田既小蟻民咩事呢又...好彩傳聖火玩一日半日,一個唔好彩比霍大少申到個唔知咩山卡啦運動會番黎,搞番你一頭半個月咪好大濟??衫都唔比晾...萬一個聖火要去天水圍走番轉,咁啱又遇著個窮到燶既小小小市民,咁啱佢又窮到得一條老底咁大把...又咁啱佢洗左!......佢應該捍衛佢既"晾衫權"啊,定係為國捐驅...支持奧運呢,真係好難決擇啊.

拿!咪以為唔關你事啊,事關啊大少真係R左個東亞運番黎玩架...點知到時d性火會唔會又周圍走架...

咁唔掛得衫既,扯旗得啦掛...又唔係扯XX獅子旗...

黄霑講得啱，香港幾好都有!

我哋有走到最前既電視台，雖然唔知佢有幾前... - 晚晚連環直播濕鳩電視劇，劇情婆婆媽媽，部部都四五六七角戀，大家邊睇邊屌，但都依然唔轉台，所以，我地有忠誠度100既觀眾!聽講話遲d仲有"七台聯播"!! 聖火環島遊 !推動香港旅遊業啊，你ready未啊?

唔止電視，仲有電台都百花齊放，正如桂神所講：一個字 - 精彩!
例如商台，唔覺意坐的士聽左十五分鐘"你胃零"，講一句說話有三個即係，四個囉同五個喂...都未入肉。淨係知佢：喂!即係呢我覺得要衍責囉,唔可以咁囉...

好，唔睇電視唔聽電台，買本雜誌瞄下呢 - 死啦，買touch定milk好啊，講D野一模一樣既...買錯咪潮唔起!!便利除左個名改左之外仲有咩唔同...一仔同東記實情係咪都係肥佬黎指使既?...仲有個d搞到你唔知今日係蚊地定fly地既周刊...哎吔，我唔要睇飛輪海啊...

okok，買份報紙算，喂，即係咁多份報紙，除左個版頭之外呢，仲有咩係唔同架呢?我覺得呢，呢d要衍責囉，唔可以就咁就算數囉...

咁睇套戲得啦掛...你愛唔愛獨家試食試玩同試愛同埋驚唔驚比人嚇死你先...

你都係行埋一邊，唔好阻住人傳性火啦...

請各位有心人同無名仕幫下啦

好多狗狗等緊打預防針啊,詳情請睇呢度:
http://hk.myblog.yahoo.com/ehuanghk/article?mid=9682

多謝晒 :)

波係圓既....salute

奠

爛廣告

呢個廣告新年既時候响大陸"睇過"（實情揼緊骨，背住個電視，聽到一半就覺得唔對路，我以為個電視壞左....)

如果你未睇過，不妨去開下眼界...
http://www.youtube.com/watch?v=vbs-wK28VMw

大陸有恒源祥，我地都唔野少，好似有個咩job56既揾工網站，同埋唱晒"歌劇"既宏利廣告，都真係煩過西...煩到聽到聲己經要轉台。即係有錢賣廣告唔係大晒的，無budget都唔係借口黎的(宏利唔會無水啦掛!)，搞d咁既惡劣品味絕對同我地既美學教育(如果有的話...)有關係。

再睇下街上面各大小政黨既街板，除左話你知成功爭取交通燈綠公仔停多五秒外，又會出下議員既"玉照"等大家見下，認住佢幾咁偉大...咁就揾張好樣d既相啦唔該，你睇下啊素玉叫你同佢"訴心聲"個張，成個保葯黨咁啊陰公!再加埋太監林個d死人樣，真係濕滯。唔政治冷感就有鬼啦。

各位有權落廣告既公司／政黨高層，回歸之後條街而經多左好多金龍啊，同埋政府個d肉酸建築啊盛好核突架啦，唔該高抬貴手，唔好再影響市容啦唔該

零八

好耐無update..
因為病完，好累，個人好易眼訓，有時間都訓下。
零八年，過左生日，三十五了...未送禮既記得自動自覺.....
今年犯太歲，對上一次年代久遠，無印像了，有無最近犯過既人仕可以同我講下有咩要注意....

anyway，大家新年快樂，炒樓炒股快上唔落

孽瘤

等你以為著草過美國讀兩年屎片,梳撚過個鳩頭就比你選撚到啊, 想創你個仆街啦.
仲話响街好撚多人支持你啊,梗係啦,香港"一般"非民賤聯既居民都好有禮貌,唔會
當你口面屌你老味架麻,你睇肥董以前落區,咁撚多年都未比人當街打死就知啦

陳太都係仆街架啦,不過都好撚過選你d毒草啊

突然間大左廿年

尋日好日，於是好多人結緍，我兩個朋友都係，期實應該係三個，因為其中一pair男女家我都識左廿幾年，小學同學，於是席間又見到好多其他小學同學，個個拖男帶女(生女多喎)....循例又要播下佢兩公婆細個Ｄ相...當中我出現既比例奇高!以前個樣真係...

拿，大個仔啦，鍚老婆啊，啊嫂你放心以後我地滾唔會預佢架啦....

上海行

上星期因工去左轉上海，食左好好食既大閘蟹，所以病到而家都未好(關事架咩....)
真係做野架


南京路王家沙....ok啦

終於去左外灘個"公園仔"，人山人海

都係南京路