惡撚到呢

photo by 足版 小斬版友

呢d友識唔識咩叫尊重呢請問,掛張咁野响人門口,同攞個東亞病夫去人度踼館有咩分別.比人打撚死都唔抵可憐

尺版鉅獻

快來睇睇你個綽號係咩....我係:西域淫腳....真係玩腳都玩一晚!
再次多謝尺版既手足揾d咁野玩!

歷盡江湖腥風血雨,,憑著個人努力,你終於打出名堂…以下是江湖給你的綽號….

從姓氏的英文字首開始找，再往下找名字的英文字首。若姓名有三個字，便先從“姓氏”找


起，再往下找名字的中字及結字；若名字只有一個字，便須重覆名字作為中字及結字。複姓
者在姓氏中取二字。
例如：“王二”=“WE”=重覆名字變成→“WEE”=武當寒冰妮
“歐陽三”= “AYS”=只取姓氏中的二字及重覆名字→“YSS”=泰山獨臂將
“劉天奇”= “LTK”=取姓氏+中字+結字=南海頑神

姓氏：
A：東海 B：青城 C：西域 D：漠北 E：中原 F：天竺 G：萬里 H：傳真 I：雪山
J：嶺南 K：明教 L：南海 M：嵩山 N：華山 O：少林 P：崆峒 Q：恒山
R：峨嵋 S：天山 T：崑崙 U：長白山 V：五湖 W：武當 X：衡山 Y：泰山 Z：逍遙

中字：
A：獨行 B：狂 C：笑面 D：影 E：寒冰 F：聖 G：苦行 H：火 I：美髯
J：獨孤 K：隱 L：毒 M：禿 N：瘋 O：白面 P：淫 Q：白衣
R：雙 S：獨臂 T：頑 U：愁面 V：血 W：惡 X：聖 Y：黑風 Z： 鱷

結字：
A：鬼 B：手 C：俠 D：僧 E：妮 F：使 G：劍 H：姥 I：腿
J：魔 K：神 L：書生 M：樵 N：王 O：丐 P：女 Q：童
R：妖 S：將 T：公 U： 君 V：狼 W：煞 X：子 Y：怪 Z：一點紅

丁蟹

"楊麗娟激動地罵劉德華「無良心、變態、不是人，連禽獸都不如」，不過，當問到為何仍要見這麼不堪的劉德華時，她就大發脾氣，說自己要見劉德華，只為完成父親遺願，不是她個人的事。

為了支持女兒「追星」的花費，蘭州老家的房子04年已賣掉，4萬多元已用光，現在回到蘭州也沒有地方可住，說時一臉愁容。

對於始終未能與劉德華詳談，楊麗娟突然說：「劉德華肯定以前受過很重的愛情創傷，要不然我們一家人付出那麼多，他怎麼可能沒有反應，他一定是要報復女性，報在我身上。」她又稱，父親死了以後，她本來也想跳海自殺，只是父親心願未了，不能一死了之。" - from 明報

睇到呢度我就諗起丁蟹新年一家大細去揾啊方展博老豆(啊劉松仁叫咩名呢,唔記得勒,總之唔係方力申啦)...去到揾唔到人就發老爛,仲記住幾廿年...總之個個都唔啱你啱晒...成家都痴根原來可以係咁既...

笑撚死朕啊!!!!

HAHAHAHA.......兩顆膠星啊....!!!!
我知你地做緊幾廿億生意,都唔使咁做架...hahaha...
仲有個名...hahaha好彩朕都叫讀左幾年書啫,好過個d
城中"馬尺"既,你叫人打的點同個司機大佬講啫...馬尺
馬咩尺啊...hahaha,好心賣到樓有個錢就讀下書啦.

支持下啦!!!

係無歐聯咁多星,又無英超咁多波入,又無西甲咁好腳法,但係大家自己人麻!!!!
聽講係goal3既人兄搞既,真係有心,足總真係好好咁諗下啦唔該.

好好地一套戲

比你搞到既無魚味，又無咖哩味，失敗中既失敗!

數碼講...

“梁翻數碼港舊帳 曾籲勿辱租客

　其後梁再諷刺數碼港內沒什麼「數碼」設施或公司，「除非你計埋婚紗
攝影舖，用數碼相機影結婚相」。曾蔭權不留情地反駁說﹕「我想Alan去
了數碼港，入都沒入去，只在外面。一行入去裏面會發覺很多事，大家都
知道《少林足球》，很多新戲在裏面做科技；另外，電子地圖在裏面做
，微軟在裏面做防侵犯版權工作，不要去侮辱裏面的租客，Alan你去睇睇啦。」

　不過，本報翻查資料顯示，為《少林足球》製作數碼特技的「先濤數碼」，於
2003年才遷入數碼港，但《少林足球》卻於2001年公映。“

haha...啊梁生你又衰既，呢Ｄ秘密黎架麻，周圍講都有既...自己知咪算囉。
有名你叫啦，"講"下之麻，你估西九又真係"文娛藝術區咩"個度“愚民偽術區"黎架麻。

HAHA賭王喎!

長毛去下ICAC你就笠水!!?
番屋企鋤大D啦屌....

居安思危定成人之危

隔無耐就會有一Ｄ官階無咁高既"京官"出黎，要求各位港燦唔好多多事實，最緊要發展經濟之如此類...
呢次啊思危就叫大家唔好搞搞震，唔係就會比人邊沿化之如此類。

有北上工作又或者玩樂既都知,港人比人邊沿化左好耐啦,由其人仔高過港幣之後，都唔知响幾多場合比人
白眼啦,攞出黎都未用啊,而經比人好串咀咁:唔收港幣喎...唔好老皮ＤX左佢老味啦。

至於搞經濟，幾時都搞緊架啦，使Ｘ你講咩，你老醒條老共同你班比資本主義毒害既港燦講叫你地搞
經濟喎,真係咩野世界!!!?Ｄ錢唔係啊公架咩!?啊曾話個九千幾億攞黎擺架喎，唔使得架喎...拿拿,搞左千
鳩幾億都仲係叫大家搞經濟，選特首!?食撚懞你啦。

在看的書

New Album 07年3月13日 AM3:22

你又睇緊咩?

禮拜睇無記!!

禮拜半夜記得睇無記，因為佢又播秋天的童話，頂撚死個Ｄ明鳩社。
大家都知我幾憎睇無記，不過佢呢次擺明玩野，我鐘意!!!!

仆街吧，明鳩社
屌你老味啊總幹屎!!!!
我鐘意响個電視度睇咩關你鳩事咩仆街,過主啦!

出力吹啦

不舉，點吹都無用

EVA The Movie

好似有Ｄ唔對路...cut 到D初號機Ｄ畫面咁流咁既....好似以前Ｄgame畫面咁...仲有啊主角,會唔會大個左Ｄ...

hohoho2

又係來自斷sir個谷...唔知斷蛇响邊度睇番來的...


有冇歌講.."
1 個個朋友都話其實我應該放低我 EX., 但係 5 得 or 我根本 5 想..
2 身邊有人對我好但係我都 5 珍惜 / 5 理., 反而掛住 EX
3 EX 已經有左第 2 個., 但係我依然掛住佢

5 該 =]

嘿嘿嘿....個唔字有幾難打啊又...

hohoho...

响網路才子啊斷浪兄(係啊,我係貴版長期CD-ROM)個ＮＧ度見到呢個...真係正啊

----- Original Message -----
From: Chris
Newsgroups: welcome.
Sent: Wednesday, January 31, 2007 3:30 AM
Subject: 隆了...........急.......Help


因太平, 去隆chest了在多年前,但feel太不自然, 好want 拿出來, 但不知是否right ,
有無人答到我, 令"原"自然, 定大但比較hard 的chest?????????????但本身好像Sammi
body lor


hahaha...笑死朕啊!!!


--

的士大佬

半夜三更番屋企，因為屋企响一個小山丘上面,更因為個人懶，所以間中都會打十零廿蚊的番去.

成四點幾，照舊坐番歸，沿路同司機吹水,通常司機大佬都不外乎呻下生意唔好之類，呢位就呻得特別
慘情，原來仲爭一分佢就會比人停牌，手停口停，楂左十幾年車，要轉行無論心理生理既改變都唔係
咁易面對，加上一把年紀，唔係你話轉就有人請，又難怪佢心灰意懶...連屋企人都唔太理解,一個人在外面
就更加難頂。

結果佢停埋架車一邊，我呢個三唔識七既人就做左白小姐聽佢訴心聲...坦白講除左一啲鼓厲既說話同幫趁
佢廿皮之外，我都無咩野可以幫到佢，萍水相逢，唯有祝你好運 ﹣船到橋頭自然直啊強哥。萬事睇開Ｄ啦。

零七

新年流流就病...凶兆
由聖誕感冒感到而家,時好時壞.之間又打邊爐又對酒又夜訓又無得訓想好都難.我要放假啊...

電話又壞埋...凶兆
用左唔夠半年,又唔識响了...焗住買過隻...買完又話出"I風"...頂你jobs呢個魔鬼...你做兩日講咪好囉...

病個人又唔願番工,番左工又唔願走...好累...都係訓

雖然過左十幾日,都祝大家新年快樂,新年後都快樂...係咁.

比較

新聞報導話廣州將一間上百年歷史既天主教堂,復修之後重新開放...
一個無神論既國家,無將呢間教堂剷平不特止,仲復修重開,
我地超英趕美既特區就一個鐘樓一個碼頭都唔放過,仲有專家話其實
將條路移開多少而經可以解決唔使拆,即係話,己經唔係保育既問題,
而家官話要拆,就無人保得住,係官威既問題,官威不可犯也...

曾特首,聖誕節.作為一個天主教徒,你知唔知個醜字點寫...
我都係祝你仆街啦!

鐘樓駝俠

駝俠都無屋住了,要去申請公屋...

個鐘拆左落黎,特區鬼鼠政府話仲work既唔介意彈番著佢...但個鬼佬專家少咁d parts,由封左個塔到拆佢落黎都係政府經手,事前一路都運作良好,咁"邊個"整唔見野呢呵...一於叫孫鬼鼠攞隻撈黎頂住先啦...

路 政 署 長 韋 志 成 說 ， 需 要 財 委 會 支 持 增 撥 款 項
， 才 可 以 讓 當 局 繼 續 研 究 議 員 關 注 的 文 物 保 育
等 問 題 - 呢個仲好野,你比錢黎我就諗下拆唔拆啦,屌,揾笨七行遠d啦,立法會秘書快d報警拉Q左呢d寶葯黨佢啦.

墨攻

都有幾個月無去過戲院,老友相約去睇墨攻,好耐之前己經睇過漫畫,漫畫十萬分掂...對張之亮都有信心..入場!

可能希望大,老實講...唔太得,其中一大問題係劉華..好唔統一,有時做革離,有時做做下,又變番華Dee...仲有兩野生鬼表情你睇下...漫畫版個個係"古縮"佬一名,無時無刻都堅持理想個隻,加上戰爭,係好沉厚既一個人,不過劉華既演出...似失戀多過似為戰爭憂心.(佢响房婉拒范冰冰講個節就似足失戀王啦)另外唔知係咪片長既關系,對戰鬥既描寫變得表面化,漫畫好多革離同巷淹中既鬥智無晒.係漫畫巷淹中死不退兵既原因之一-佢搞盡腦汁都收唔死革離個種唔忿氣又係無晒(其實對佢兩條友都無咩鬥智既描寫),好似挖地道個段,漫畫係好詳細交代革離點破巷淹中呢招既,電影版變左好似佢好彩撞啱敵軍入侵咁...最後變左得番一D攻城既場面.唔係拍得差,但老實講睇過LORT既攻城,呢種處理都好難會有新鮮感.亦令佢最後佢兩個(革離,巷淹中)講數既感染力無晒.而導演又想講好多佢自己既想法.都令到部戲有d兩頭唔地岸.佢又用左好多時間講梁皇點出爾反爾.反而梁適同吳奇隆個角色削晒(漫畫個梁皇一路都係左閃右避,小腳色一件而己).而漫畫講到d平民經過多次守城同革離建立互信都係輕輕帶過.所以最後既革離離開都變得可有可無...

最最慘係加左啊范冰冰呢個漫畫無既人物,係咪都要搞d感情戲...又改到革離番梁城係為左佢...呢度最大敗筆,原來之前講咁多道理,最後都係為左溝女.無啦啦又變番天若有情.加埋架電單車就fit晒.另外戲中提到墨家唔願意派人去助梁皇,但又無細明原因,而漫畫中既原因,革離所講根本連墨家都己經開始分裂,部份人對自己既哲學都開始懷疑,所以先得佢一個人黎,同時反映左佢對墨家學說既堅持...但係電影呢一改,加埋劉華既處理,令到呢種堅持睇完都唔係好覺...

可能導演都要顧及下商業原素,要揾條女佢溝下,咁先夾番大眾口味,但係咁一搞,就咩mood都無晒,最尾劉拖住個細路女離開,仲有小小"道地"廣告feel...好在佢無押樽野出黎...

咁有無好野呢...導演講梁皇個種反覆無常,出爾反爾既小人心態,同牛將軍對佢個種忠誠,但最後發覺自己笨七到無人有都拍得好既,又啊吳奇隆幾好睇啊下,可惜佢既戲份亦唔太重.

套戲唔係唔好睇既,但有睇漫畫既,會發現少左好多重要野,無睇既,當佢一般古裝戰爭片加情情塔塔都ok既,點都好過無極,張藝某個d假鬼佬野假大空野先.