Sunday, August 27, 2006

灰爆啊!!!

唔見電話啊!!!!慘慘慘!!!

唔見左,唯有去cut左張電話咭先啦,但係,發現唔見既時候而經係半夜十二點.我屋企又無裝呢個固網電話喎...
咁半夜三更,就要落街揾電話亭勒...唔揾由自可,一揾,係周圍都無既!!!
終於行左半個觀塘,就揾到勒,打去個"熱線"...真係,响條街都夠熱架啦,果電話仲要無人接喎...(半夜喎大佬!)

最灰係...佢未接電話,咪會比d歌仔你聽下既,佢播個隻 - feel so god 喎...天時暑熱唔見電話打黎無人聽仲 feel so good喎,使唔使串得咁應!!!!仲loop play咁播左六七次!!!

各方好友如果心過電話號碼我既唔該再send多次去 : felixcchk@gmail.com 啦
未比過又想"結識"我又美女既都可以send黎講下"心事"架!hahaha!

Thursday, August 24, 2006

嗱!加印都賣晒勒

唔好話人低質,桐油酲就係裝桐油架勒

Wednesday, August 23, 2006

偷拍

便利所謂"偷拍"左twins個條女(我唔識分,兩個都咁上下樣)...
接左百幾個投訴(佢多定欣宜多?)...個個都話cheap又盛,明鳩社個d又出黎猛抽水.
先唔講係咪真cheap(我就話便利東周忽周個D一鳩擔擔,一模七樣,仲要比錢買真係咪搞世伯)
...但係好多友都話今期賣晒喎,七仔一本都無之類...

嗱!咁唔好屌人cheap勒,又要買又要屌,人唔似人鬼唔似鬼啊.
個d師奶婆仔,唔好人講你又講勒,手上仲楂住本野啊.
人地升書都係靠你全力支持架.

呢d仆街同一路bt港產片又一路話人垃圾個d有咩分別,有種既你就咪撚睇.
咪睇完又嘈喧巴閉,好似欠你前世咁.

Monday, August 21, 2006

主席啊主席...

何俊仁比人炳,睇有線訪問啊主席李永達...佢語無論次講左一堆野,跟住立個結論係:佢覺得件事好嚴重...
你個黨員,仲係議員比人揼,就梗嚴重啦主席,係人都知啊伯毌係女人啦。

究竟幾時改選啫,快D換鬼左佢啦唔該。

Monday, August 14, 2006

上山

睇報紙見到古天樂出席剪綵活動,間鋪頭竟然係burger king.
原來响除左機場禁區外,仲開左一間响山頂淩霄閣(個名真係好似擺骨灰個D地方)
於是今日決定去走一轉!由銅鑼灣出發,去到山頂大約半個鐘左右,一路上都陽光燦爛,仲見識到香港人幾咁有錢...架巴士行到一半己經見到四架法拉利,兩架林寶堅尼...好快手就去到山頂,拿拿聲去睇下間鋪响邊,好容易就揾到,因為好多麥記既伙記响左近派傳單,睇黎都對老麥有D影響。

間鋪一D都唔大,大約坐到三四十人,去到而經滿晒座,唔理咁多馬上去排隊買野食先算,有八個餐,仲有炸雞同埋蘋果批,兒童餐之類。二話不說要左個最貴既餐:煙肉芝士華保(係咁上下名啦,唔記得)成55財仲比多兩蚊加大,夠竟成六十蚊個餐好唔好食呢...?
得!塊牛肉仲多汁到死,又大件,仲有大量菜同埋蕃茄。同tony romas個類既出品有得比下。好好食。三兩下手勢就收左佢檔。仲有一大堆薯條,不過同老麥個D其實無咩分別。因為企响度食(係啊,爆晒棚無位啊)所以留左十五分鐘就走人,下次要揾個無咩人既時間去多轉先得。食飽,就四處行下,仲行左去條山徑,又唔晒又好風,非常舒服,好多一家大細都响度行下,有個老豆仲响我後面一路教個仔咩叫負資產...個然有香港特色。

得閒當去行下山都唔錯。
我開始明白點解山頂D樓要天價咁貴,除左環境靚之外,仲無咁多蛋散响你屋企左右”創地標”啊麻。

Sunday, August 13, 2006

重建

睇緊有線重播市建局既記招,有條四眼佬就係咁講個project有幾大單,
係市建局最大單搞作云云...要打造官塘為現代化市中心...
又播左三條cg片,"具體"咁展示會搞D咩...

個三條片既設計,其實都係大同小異...全部都係商場/玻璃幕場/戲院...
講到尾都係大高場掛帥...大家都不約而同,要"創地標"(要咁多地標黎做咩呢)
大家都係做一d "時尚"既商場,將舊樓拆晒佢,到時所有鋪頭都一模一樣,
住官塘同住金鐘無分別.(我咁out要咁多賣LV既地方做咩呢)

我住左官塘三十幾年,係咪真係雖要一個現代化市中心,拆晒佢真係唯一方法?
裕民坊根本己經係一個地標,一個平民化,大家都可以去既地方
你可以响個度拮魚蛋食糖水打機唱K...我睇完條片,就係將而家有
既推散晒佢,起一堆同apm一模七樣既既物體出黎.

但其實大都知,拆q晒佢起到有咁高得咁高,做地產既咪收錢到手軟囉,講咁多理
由都係要大家收聲啫...

利志達



買了本月的誠品好讀,有專題講香港漫畫
其中訪問了利志達,令我想起最近的劉以達,兩個人都是很厲害的,
但銷路都不太好.

從利志達一出道,就追看,到現在都保存著大部份他的作品.
以前工作的一間設計公司,同時有output的部門,amoeba雜誌是其中一個客戶.
剛好有一期有利志達的原槁要分色,大家都圍著要看他的稿.大伙都想先賭為快.

訪問說到他為比利時的出版社畫畫,我不認識他,唯有在這裡祝他一切順利.
文中還提到他有參與無間道的漫畫製作...真的?

Sunday, August 06, 2006

泛民,飯民

條例就過左勒,泛民成班拉隊離場,以示抗議...
真係有心鬥,集體唔撈把啦,流肛華都講撚埋出口,
唔理你修訂咩野都ban鳩你架勒,根本唔係亦無打算
同你辨論.長毛都起碼搞下司法覆核,拉隊離場有咩鳩用
200幾個修訂無個,人地防守力仲勁過意大利.你仲同佢
守規舉,邊有得打.

真係搞主既話,
走把啦!

大家都可以順手睇下邊個其實响度呃飯食既

Saturday, August 05, 2006

講撚中晒!

哀 哉 ! 立 法 會

--------------------------------------------------------------------------------
羅 健 熙   香 港 大 學 社 會 工 作 及 社 會 行 政 學 系


追 看 立 法 會 審 議 《 截 聽 通 訊 及 監 察 條 例 草 案 》 , 愈 看 便 愈 火 上 心 頭 。
看 過 這 類 立 法 會 會 議 , 不 難 明 白 為 何 立 法 會 形 象 如 此 低 落 。 這 次 事 件 , 令 我 產 生 了 一 大 堆 解
答 不

了 的 問 號 :

一 、 為 何 政 府 十 年 來 不 肯 為 相 關 法 案 簽 署 落 實 的 責 任 , 現 在 要 由 立 法 會 承 擔 ?

二 、 為 何 梁 國 雄 提 出 司 法 覆 核 , 由 地 區 法 院 到 上 訴 庭 和 終 審 法 院 都 判 他 勝 訴 , 最 後 市 民 還 是
認 為 他 在 「 搞 事 」 ?

三 、 為 何 特 首 違 憲 頒 布 行 政 命 令 後 , 毋 須 負 上 任 何 憲 制 上 或 政 治 上 責 任 ? 甚 至 看 不 到 他 道 歉
或 解 釋 ?

四 、 為 何 政 府 違 憲 , 致 使 立 法 會 只 得 五 個 月 時 間 審 議 草 案 , 竟 仍 厚 顏 地 催 促 立 法 會 通 過 此 法
案 ?

五 、 為 何 本 是 為 保 障 人 權 而 提 出 的 司 法 覆 核 勝 訴 後 , 現 在 政 府 會 反 其 道 而 行 , 提 出 一 條 賦 予
執 法 人 員 無 限 權 力 的 法 案 ?

六 、 為 何 政 府 只 管 「 行 政 方 便 」 , 而 不 理 法 例 條 文 的 嚴 謹 性 ?

七 、 為 何 吳 靄 儀 和 涂 謹 申 等 議 員 , 辛 辛 苦 苦 仔 細 地 研 究 草 案 、 提 出 修 訂 和 質 詢 、 在 議 事 廳 埋
頭 苦 幹 , 想 將 法 例 完 善 , 竟 被 人 評 為 「 為 爭 拗 而 爭 拗 」 , 而 評 論 者 更 是 堂 堂 自 由 黨 主 席 田 北
俊 ?

八 、 為 何 反 對 泛 民 修 訂 的 議 員 , 絕 大 部 份 都 沒 有 提 出 反 對 理 據 ?

九 、 為 何 部 份 議 員 辯 論 時 全 程 在 議 事 廳 外 , 一 聽 到 鐘 聲 便 可 回 去 , 毫 不 猶 豫 地 投 下 神 聖 一 票


十 、 為 何 未 能 如 期 立 法 , 政 府 把 責 任 又 推 到 立 法 會 議 員 ( 特 別 是 那 些 盡 責 地 , 基 於 對 法 案 的
合 理 質 疑 而 發 問 的 議 員 ) 身 上 ? 而 不 是 政 府 拖 延 立 法 的 責 任 ? 不 是 政 府 違 憲 頒 布 行 政 命 令 取
代 立 法 的 責 任 ?

十 一 、 為 何 在 香 港 這 「 三 權 分 立 」 的 社 會 , 立 法 會 完 成 審 議 法 案 的 限 期 , 是 由 行 政 一 方 提 出
而 非 立 法 會 自 定 ?

十 二 、 為 何 在 香 港 這 「 三 權 分 立 」 的 社 會 , 有 部 份 立 法 會 議 員 現 在 仍 不 理 好 醜 地 配 合 強 政 勵
治 的 特 區 政 府 ?

十 三 、 為 何 李 局 長 被 人 質 問 得 啞 口 無 言 , 但 他 的 修 訂 仍 然 無 驚 無 險 地 得 到 通 過 ?

十 四 、 為 何 作 為 民 意 代 表 的 立 法 會 議 員 , 地 位 比 作 為 政 府 代 表 的 官 員 低 ? 官 員 的 草 案 和 修 訂
只 需 簡 單 地 過 半 贊 成 便 可 通 過 ; 議 員 的 卻 要 經 功 能 組 別 和 地 區 直 選 兩 組 別 分 別 過 半 才 行 ?

十 五 、 為 何 當 行 政 機 關 踐 踏 司 法 機 關 , 把 司 法 機 關 放 於 破 壞 法 治 的 位 置 時 , 律 政 司 長 黃 仁 龍
只 呆 坐 著 不 吭 一 聲 ? 上 任 時 不 是 說 要 捍 ? 司 法 獨 立 、 捍 ? 法 治 的 嗎 ?

十 六 、 為 何 政 府 一 直 只 跟 人 說 保 證 、 說 承 諾 , 但 不 願 意 白 紙 黑 字 清 楚 記 在 條 文 中 ?

十 七 、 為 何 立 法 要 講 「 信 任 」 ? 「 法 治 社 會 」 本 身 不 是 建 基 於 對 政 府 「 人 治 」 的 不 信 任 嗎 ?

除 了 特 首 提 倡 「 強 政 勵 治 」 , 社 會 各 界 要 全 力 配 合 外 , 以 上 疑 問 還 有 甚 麼 答 案 ?

為 甚 麼 立 法 會 形 象 低 落 ? 不 是 因 為 有 那 批 「 反 對 派 」 議 員 , 也 不 是 因 為 議 員 的 操 守 問 題 , 亦
不 是 因 立 法 會 議 而 不 決 。 最 令 香 港 立 法 會 形 象 低 落 的 , 是 政 府 對 立 法 會 的 肆 意 踐 踏 和 侮 辱 ;
及 那 班 在 議 事 期 間 長 期 在 議 事 廳 外 休 息 或 處 理 自 己 私 人 業 務 、 完 全 不 理 議 事 廳 中 辯 論 , 純 粹
為 響 應 政 府 呼 籲 舉 手 投 票 的 圖 章 議 員 。

我 尊 重 劉 健 儀 和 劉 江 華 , 因 為 他 們 真 的 參 與 辯 論 , 勇 於 表 達 意 見 。 但 那 批 只 懂 舉 手 的 圖 章 議
員 , 你 們 絕 對 是 立 法 會 的 悲 哀 !

Friday, August 04, 2006

魔界村